一名男子於晚上踩單車闖入大埔運動場的田徑跑道，與跑步人士一同做運動。(Threads)
運動場跑道變單車徑？社交平台Threads有網民拍得片段，顯示一名男子於晚上踩單車，闖入大埔運動場的田徑跑道，與跑步人士一同做運動。樓主指單車男「踩咗一圈，之後仲大搖大擺，喺100米終點掉頭，踩左去staff room 方向果邊走」。其他網民質疑沒有職員制止「運動場啲職員瞓晒覺？」
片段所見，單車男在運動場的田徑跑「任我行」，無視跑步人群穿插爬頭，加速於直路「衝線」後方離開跑道往運動場出入口，片主不禁笑稱：「大家留意吓，佢仲要冇落側架，都可以踩足一圈，真係好好技術。」有目擊網民直指：「痴線，見佢踩咗一個圈就消失咗」。
事件惹來網民熱議，批評場內管理人員沒有即場阻止：「運動場啲職員瞓曬晒覺？」、「咁痴線，無職員架（㗎）」、「可以踩單車嘅咩？我仔2歲幾時喺側邊踩咗幾下滑板車都俾人追住鬧」、亦有網民揶揄單車男是「退役香港單車隊」、「玩緊爭先賽」、「邊個叫外賣？」
根據康文署《遊樂場地規例》，除非是行使合法權限或特權，否則任何人不得將任何手推車、貨車、車輛、單車或三輪車帶進或安排將其帶進遊樂場地，或在遊樂場地內乘坐上述任何一種車輛。
