(導盲．Guide Dog FB)
(導盲．Guide Dog FB)
(導盲．Guide Dog FB)
前財政司長曾俊華卸任後頻頻曝光，不斷有新嘗試，以及參加公益活動。最近佢又幫咗香港導盲犬協會拍攝宣傳片，同藝人森美一齊，蒙眼互餵對方食雪糕，原來係要用一分鐘去體驗視障人士做一件簡單事情的難度，今次佢哋就揀咗「雪糕挑戰」。
要蒙眼食雪糕都好唔簡單，見到兩人食到滿咀都係就知啦，曾俊華食到連鬍鬚都白埋，森美就連鼻都沾滿雪糕，但睇落佢哋都玩得幾盡興。兩人玩完之後，各點名3人接受挑戰，其中曾俊華點咗自由黨榮譽主席田北俊、中大校長沈祖堯及港交所行政總裁李小加參與。
曾俊華話，全港有18萬名視障人士，導盲犬只少於30隻，冀透過今次籌款可以引入更多導盲犬來港。
ADVERTISEMENT
