P助與粉紅兔兔限量產品為紅十字會籌款，推售產品的美心MX會從收益中捐出25萬元。
人見人愛嘅「P助與粉紅兔兔」又發行精品喇，今次係由美心MX同救急扶危嘅香港紅十字會合作，推出「P助與粉紅兔兔」特別系列，包括購物袋、三連杯及座、保溫食物壺、三褶傘及保溫杯等多款產品。產品收益嘅25萬元會作為善款，捐畀香港紅十字會作人道服務工作，真係為善最樂。
呢批限量版新產品，外型精美，而且實用，10月6日起會喺逾 40 間美心MX餐廳及美心Food分店限量發售。顧客單位消費滿58元，就可以用優惠價選購產品，賣晒就冇喇。
