Ray Online｜吳秋北：工聯會可作愛國主義教育基地　問政府會否安排中小學參觀

政府致力加強愛國主義教育，工聯會會長兼立法會議員吳秋北就大賣廣告，話工聯會完全可以作為一個愛國主義教育嘅基地，問政府會唔會安排中小學去工聯會總部，又或者有百年歷史嘅工會參觀喎。

立法會今日討論有關愛國主義教育嘅口頭質詢，吳秋北發言嗰陣就提到，工聯會作為愛國愛港嘅一面旗幟，而國家副主席韓正幾年前亦曾經肯定工聯會係愛國愛港嘅主力軍，吳秋北就建議安排學生參觀工聯會總部。

可向愛國主義教育工作小組提供建議

政制及內地事務局局長曾國衞回應話，單純由政府推動愛國主義教育工作並唔足夠，希望可以全社會動員，結合唔同嘅官民力量做好工作。各方可以向愛國主義教育工作小組秘書處提供建議，會因應情況做適當安排。