Ray Online｜廟街夜市錄得逾20萬人次到訪　陳國基：彰顯政商界「一加一大於二」力量

政府近日積極宣傳廟街夜市，最新政務司司長陳國基就喺Facebook出Post，話從旅發局嘅數據度得知，廟街夜市舉行半個月，已經錄得超過20萬人次到訪，平均人流仲比之前上升3至4倍，佢又預計有3成是嚟自世界各地的遊客。

司長就形容，數字令人鼓舞，揚言政府將聯同各界，舉辦更加多類似嘅活動，等市民生活得更開心，遊客體驗更精彩咁話。

長假期前夕，司長仲同埋與旅發局總幹事程鼎一、港九新界販商社團聯合會主席陳錦榮「齊齊行」廟街。佢話，攤檔商戶非常之滿意今次安排，仲話生意額多過之前好多添！

司長話，夜市就係一個好例子，貫徹今屆政府「以結果為目標」嘅辦事方針，體現到各個部門靈活變通，而唔係墨守成規，甚至形容做彰顯到政界與商界「一加一大於二」嘅團結力量。