Ray Online｜張華峰謠言再瘋傳　指內地很多人吃荔枝後死亡

謠言止於智者，呢排有關金融服務界前立法會議員張華峰嘅謠言又再四起。有群組流傳「張華峰議員溫馨提示」，話內地荔枝出現類似食肉菌嘅不知名毒素，搞到死好多人。

多次傳播同樣謠言

翻查資料，其實喺2017、2018同2019年都多次傳播同樣嘅謠言。張華峰喺2017年仲發出嚴正聲明，解釋收到朋友轉發嘅訊息，有關內地荔枝出現類似食肉菌嘅病毒。當時佢本住提醒大家小心求證嘅心態，轉發訊息去「朋友圈」，而唔係向公眾人士作出任何溫馨提示嘅字眼。佢請大家停止轉發佢發出嘅私人訊息，以免引起任何不必要嘅誤會。其實張華峰已經卸任立法會議員一職，不過到而家仲出現「張華峰議員溫馨提示」呀。