江玉歡話，暫時仲未有新任議員嘅言論值得佢抬頭。(資料圖片／鍾式明攝)
現屆立法會任期剩返半個月，冇爭取連任嘅選委界江玉歡話最近多咗一個人靜思嘅時間，並喺大埔宏福苑五級火事件上做咗一啲法律同政策研究，不過人走茶涼，「在政府層面用不著了」，唯有做多啲民間分享，將佢所知嘅同市民大眾分享。
未有新議員言論「值得抬頭」
有敢言形象嘅江玉歡喺社交平台又話，新任議員嘅言論「暫時未有值得我抬頭的」，依家時間尚早佢會拭目以待，只要講得有理有據嘅佢都會欣賞，至於缺乏理據支持嗰啲佢亦會指出，直言社會進步係建基於理據同合理性。
離別在即，江玉歡都已經開始咗執寫字樓，佢話自己係「斷捨離」之人，大部分其他人贈送嘅獎座同書藉都要棄置，反而有啲低成本嘅「閃咭」卡片，竟然成為好朋友爭相要嘅收藏品。佢預告未來會舉辦一系列物業管理法律同政策講座，成為佢另一個大廈管理研究嘅起點。
ADVERTISEMENT
👇登記送Uniqlo聖誕暖「粒粒」保溫杯👇
