林超英「認叻」，指是他發明紅黑雨制度(資料圖片)
香港最近成日落暴雨，天文台前台長林超英話香港防災備災工作，加埋天文台服務，真係世界第一。佢仲唔怕講「我吹吓牛，係我發明紅黑雨」。
林超英接受本地遊公司訪問，話大家好彩住喺香港，好多地方頂唔順咁樣落大雨，「諗唔到一個地方防災備災好似香港，做得贏過香港。」佢又「認叻」話當年係佢發明紅、黑雨制度，之後內地以至歐盟都參考用顏色分辨大雨級別。「我哋香港剩係諗到紅、黑、黃制度，已經係世界第一。」
揚言香港是世界第一
工程部門每逢大雨都積極鞏固斜坡同處理水浸，林超英話算係咁，其他地方冇咁大投資。「香港防災備災，加埋天文台服務，真係世界第一，完全唔怕話世界第一，我唔會有保留。」佢舉例2018年超強颱風山竹襲港，都可以零死亡，其實係不可思議。
ADVERTISEMENT
第3輪消費賞最後召集！簡單上傳消費單據登記贏豐富獎品！
