洪雯再叫錯「主人」，立法會主席梁君彥並無反應
立法會議員周不時發言都有口誤，今日再有議員叫錯立法會主席梁君彥做「主人」。梁君彥就好冷靜，冇任何反應。
立法會大會今日辯論「檢討小販管理政策，激活地區經濟」議員議案，選舉委員會界別議員洪雯發言嗰陣提到放諸海內外，無論一個城市經濟係咪發達，小販總會有一席之地。小販經濟唔單止可以補充城市經濟，仲係地方人文風俗、飲食文化、民間創意嘅載體，亦係外地遊客認識一個城市嘅窗口。佢建議為小販政策注入創新思維，拆牆鬆綁，例如放寬小販經營嘅場所。
洪雯第二次叫錯「主人」
洪雯結束發言嗰陣話「主人……本人謹此發言。」留意到佢講完之後有所遲疑，但係冇作更正。而梁君彥就冇咩反應，照樣叫下一位議員發言。其實洪雯唔係第一次叫錯「主人」，佢喺前年立法會大會都叫錯代主席李慧琼做「主人」，當時佢有更正叫返「主席」。
請你飲屈臣氏咖啡 + 送咖啡豆
