謝偉俊透露白姐姐近況，指獨留在家較「吽哣」
立法會議員謝偉俊同太太「白姐姐」白韻琹一直恩愛，近年白姐姐比較少現身，屢傳健康問題。謝偉俊透露太太嘅近況，話佢記憶力差咗，獨自留喺屋企會比較「吽哣」。
白姐姐記憶力變差
謝偉俊噚日出席活動，同記者分享白姐姐嘅近況，話80歲嘅白姐姐精神好好，仲好醒，窒人唔使本咁！不過，佢話白姐姐嘅記憶力真係差咗，記舊事、舊歌、舊戲就好清楚。雖然唔會唔記得返屋企嘅路線，但都唔會畀佢自己出街，費時麻煩喎。白姐姐自己一個喺屋企會比較吽哣，因為冇人同她傾偈。謝偉俊周不時會帶白姐姐去人少啲嘅地方，前排就一齊去大嶼山食下午茶。
【立即參加】送Rollink全球最輕薄可摺疊手提行李箱🧳！
