區議會選舉2023｜尹光角逐叱咤「我最喜愛男歌手」 現身政府宣傳片先為區選谷票｜Ray Online
樂壇老前輩尹光(光B)因為「AI尹光」出現而成為網民寵兒，更加獲網民拉票力撐競逐叱咤「我最喜愛男歌手」。唔知尹光緊唔緊張自己嘅選情，不過就見到佢現身政制及內地事務局嘅區議會選舉宣傳片，為區選拉票啦。
尹光呼籲選民投下神聖一票
尹光喺宣傳片入面，連同藝人謝雪心呼籲選民投票。可惜尹光冇大開金口唱歌，只係簡單幾句呼籲大家緊記12月10號係區議會選舉投票日，投下神聖一票，又讀出口號「1210區選齊投票，共建美好社區」。影片得短短15秒，唔知可唔可以激發投票率，又或者網民會唔會更想喺叱咤投尹光一票呢？