譚俊彥奪得「最佳男主角」、「馬來西亞最喜愛TVB男主角」及「最佳衣著男藝人」成為三料視帝，他完騷後接受訪問，由於直播的關係，網民有幸見證狄龍如何教仔。
譚俊彥下台時仍難掩激動心情，並藉機多謝在台上漏說的經理人及台前幕後，之後狄龍走到譚俊彥身旁插咀說︰「我知道我個仔因為我做呢行，唔想衰俾我睇，呢樣我都贊成！我最鍾意用理性多過感情角度去睇件事，我想話你知，你要感激過去、努力當下、放眼未來……今日你好幸運，但同你一齊競爭嘅人嘅技巧，唔一定輸過你，只不過輸咗個運氣俾你。」譚俊彥在旁點頭說︰「當然！當然！」狄龍續說︰「我唔想睇到你難過，唔想睇到你失敗後嘅失落，我認為人生應該仲有一樣嘢，你要了解點解失敗、失落。」譚俊彥即說︰「所以我唔敢叫你嚟！」