林素蔚遭到冒認開設群組
立法會選舉提名期已經展開，但係早前宣布棄選嘅新界東南立法會議員林素蔚都有動作，突然設立群組組織支持者。林素蔚澄清係遭到冒認，冇開設任何新群組。
無呼籲人士協助任何競選團隊
林素蔚發表聲明，話衷心多謝大家過去4年嚟嘅支持同信任。早前已經正式宣布唔會競逐連任，但係近日發現有人未經授權，喺WhatsApp、微信等平台假冒佢開設群組，並用佢嘅名義召集支持者為某啲競選團隊提供協助。佢鄭重聲明冇開設任何新群組，亦冇呼籲或者組織支持者向任何競選團隊提供協助。
林素蔚呼籲大家提高警覺，唔好輕信來源不明嘅訊息，一切同佢相關嘅動態都以原有渠道公布為準。
