競爭事務委員會。(資料圖片)
競委會今日就一宗新入稟案件公布詳情，其中引用「寬待政策」協助調查，引起鼓勵「篤灰」的質疑。大律師陸偉雄向《am730》表示，寬待政策是好的工具，欣賞今次競委會的做法，「如果雷厲風行，所有人都要告晒，就會跌咗一個困境，冇足夠證人，反而告唔到」。他又指出，「寬待政策」制度並非競委會獨有，在本地刑事案件中亦偶有出現污點證人，協助控方檢控，社會亦能夠接受，「如果唔畀豁免(權)，個個都唔認罪就檢控唔到，因為好多罪行，冇人出嚟講，就冇人知道佢犯法……到頭來，成班人全部唔認罪，變咗缺乏證據檢控。」
「寬待政策」有利減少合謀現象
陸偉雄認為，「寬待政策」制度容許非主謀、有悔意的合謀者，提供證據，給予豁免是無可避免。他亦認為，「寬待政策」制度令合謀者雙方不信任，亦減低合謀者之間的團結程度，有利減少合謀現象，「大家唔信任對方，就冇咁容易合謀到，如果係攬住一齊死，反而鼓勵佢哋更齊心，一齊秘密做嘢」。陸又說，今次案件嚴重，他個人認為競委會的檢控有警惕作用，因有可能有合謀者舉報合謀行為。