網上熱話｜太古超市麵包店營業期間驚見老鼠橫行　網民：咁猖狂！

所謂「眼不見為淨」，但若在食店發現老鼠出沒，確實會留下嚴重心理陰影。有網民周三(12日)在Facebook群組「筲箕灣西灣河關注組」發貼，指下午時份在太古一間連鎖超市內的麵包舖購物時，見到廚房內有2至3隻老鼠出沒，惟當時只拍攝到其中一隻。

網民：咁猖狂！

而從影片可見，涉事麵包店連接住廚房，玻璃身的設計可讓人同時看到廚房及麵包店的情況。期間1隻約手臂大小長的老鼠，從大型食物架及雪櫃底部位置，迅速跑到枱底，引發網民熱議。

有網民指，當時還是麵包舖營業時間，老鼠竟然大模斯樣出現，而且身型龐大，明言不敢再在此買麵包，「養到貓仔咁大隻」、「咁大隻，仲要日光日白出嚟」、「我仲好鍾意食呢間啲蛋糕」、「咁猖狂都有！」；亦有人笑言「證明嗰度啲麵包係好嘢嚟，唔通咬食環署啲番薯咩」。

老鼠橫行情況(多圖)