有網民指將軍澳近日出現「做功課黨」。(Facebook群組「將軍澳主場」圖片)
將軍澳出現「做功課黨」？將軍澳有女街坊日前在Facebook群組「將軍澳主場」發文表示，她行經厚德商場時，有兩名女子走近，並問：「我哋有聖經功課？可否幫忙？」。女街坊拒絕後，對方仍「不停跟蹤」，她有感兩女阻其上班，終向兩女表示：「唔好騷擾坑口居民」，終成功嚇走兩女。
網民：佢份功課做咗好多年
據圖片所見，該兩名女子均戴上口罩，均穿白色上衣，其中一人穿及膝裙，另一人則穿長褲。事件引來網民熱議，不少網民稱曾遇過圖中女子，相信是在傳教，「呢兩個女人好多年前已經搵人做功課」、「我都曾經遇過，佢份功課做咗好多年」、「你唔理佢，佢會係咁跟住你」、「你好心理佢，佢仲會打蛇隨棍上，問你攞電話。」
另有不少網民認為兩名女子行為擾人，「聖經功課點解要通街做？」、「傳教點解係咁要跟住人？」、「係咪邪教嚟架？可以通街阻人架咩？」亦有街坊認為對方可能是熱心傳教，未必有惡意，如覺得煩擾大可以不必理會，不需惡言相向，同時亦提醒街坊不要透露個人資料即可。
