閨蜜男友餐廳求婚邀請朋友出席，事後竟要求夾錢
見證好朋友被求婚，當然是開心事。不過，近日有網民分享獲邀到餐廳幫閨蜜男友求婚，事後竟然被要求夾錢，覺得「唔順氣」。
網民在Threads發文，指閨蜜的男朋友邀請一班朋友到餐廳「扮食飯」，其實是一早準備好鮮花與戒指準備求婚。一班朋友當然二話不說，無論多忙都應邀出席幫忙，最終亦順利完成求婚大事。
一大半人選擇付錢
怎料第二天，事主的閨蜜要求她「夾飯錢」，每人大約800元。事主指知道是對方的男朋友要求，問大家應該如何應對，「唔夾錢怕之後面左左，夾錢又覺得唔順氣」。事主指在場有一大半人已經付錢，其中一人指「你唔係咁都叫人夾錢嘛？」，但仍然付了錢。
網民都建議樓主不要付錢，建議樓主回覆「唔該下次再求婚冇budget(預算)就唔好揀咁貴嘅餐廳啦，你求婚，唔係我呀，我老麥都得㗎。$800包埋人情啦，結婚當晚我出席唔到啊，腳痛啊，你哋呢次結得開心啲，下次再結唔好搞我」。另外，有網民分析「要夾錢應該事先講明，而唔係事後。唔使怕面左左，道理喺自己到。夾咗唔順氣，你第時會怨自己。」
立即更新/下載AM730手機APP 體驗升級功能
