相信唔少人都想開露營車四處旅行。
Furrion公司設計呢款露營車Elysium造價250萬美元(約1960萬港元)，長13.7米、寬2米，設備齊全，最犀利係車頂配有一台兩座型直升機以防交通擠塞。
車內有一個大客廳，有梳化、電視機等設備；廚房有微波爐、雪櫃、烤箱、洗碗機等設備，仲有一台專門儲存葡萄酒嘅雪櫃。
車內仲有桑拿房同淋浴設備，真係去到邊都可沖個靚涼。車頂仲有溫熱浴池、高級音響設備同木製休息區，駕駛室觸摸中控台，所有操作都可以「靠摸」。真係旅行發燒友「Dream Car」。
【立即參加】送Rollink全球最輕薄可摺疊手提行李箱🧳！
