失魂私家車將軍澳撞斷交通燈。(影片截圖)
將軍澳昨(27日)發生罕見交通意外。網上流傳一段長約28秒的車Cam影片，顯示昨午1時許，一輛私家車由將藍公路駛出環澳路，左轉進入日出康城時，懷疑因天雨路滑失控，猛撼馬路中間一支交通燈，再剷上花槽石壆，導致交通燈斷裂倒下。影片可見，旁邊司機紛紛落車查看情況，據悉涉事車輛的34歲男司機姓劉，他沒有受傷，警方調查意外原因。
失魂私家車撞斷交通燈逐格睇
有網民戥司機荷包「肉赤」
大批網民看過影片後均笑言涉事司機失魂，並慶幸當時無人橫過馬路或在路中等候，「忍唔住笑咗出嚟」、「唔好意思，香港腳發作」、「企喺安全島就大禍臨頭了！」亦有網民為涉事司機撞毀交通燈而感荷包「肉赤」，直指「交通燈都唔平！」、「撞毀交通燈要賠幾多？」、「起碼賠30個以上」
