車Cam直擊，干諾道西天降棚竹直插的士，險被擊中工人檢走竹支惹爭議。(FB/車cam L（香港群組）)
西營盤干諾道西近威利蔴街一地盤，昨日(17日)下午2時許有棚竹從高空墮下，擊中一部的士，無人受傷。社交平台Facebook「車cam L（香港群組）」昨日有網民分享一段長約18秒的車cam片段，顯示一輛的士駛經上環干諾道西近威利麻街一個搭有棚架的地盤時，一支棚竹突然從天而降，擊中的士邊緣再彈落地，的士玻璃碎四濺，隨即停下，有地盤工人見狀馬上檢走棚竹，放在對面地上，影片就此結束。
警方表示，17日下午2時36分，一輛的士沿干諾道西行駛，途至近威利麻街對開時，有一支竹突然飛墮，擊中的士，其司機見狀報警。經初步調查，懷疑上址有棚架工人工作期間跣手，令竹支飛墮。警方將案件列作「車輛損毀」跟進。
網民：個工友企過啲就死
影片引起網民議論：「差啲命都無」、「嘩，真係謀殺啊大佬！」、「嘩，容乜易插穿車頂」、「個工友企過啲就死」、「黐Ｘ線、真係隨時冇命」；亦有人質疑地盤工人檢走棚竹是否違法：「執走以為可以當無事？」、「都幾乎插中個工友，佢仲拎走支竹？」、「咁快想毁滅證據！」、「發生左(咗)意外唔可以動意外現場。甘(咁)既(嘅)常識都唔知？比人告防(妨)外(礙)司法公正」。
ADVERTISEMENT
👇免費澳門酒店住宿或香港口岸來回澳門巴士車票👇
