灣仔女行車路大搖大擺行走 遭響按反爆粗罵司機 網民：圍方事件2.0
灣仔發生行人與司機衝突事件，有網民在Facebook討論區上傳一段車Cam片，影片顯示日期在昨日(22日)下午3時許，一輛私家車沿灣仔蘭杜街行駛準備出莊士敦道，期間一名左手挽紙袋、穿長裙的女子在馬路中央大搖大擺行走，司機已收慢車速待她行回行人路，惟數秒後她仍未察覺後方有車，司機按捺不住響按，引發兩人持續20秒罵戰，夾雜大量粗言穢語。
兩人持續20秒粗言罵戰
長裙女聽到響按聲後，回頭露出不滿的表情上回行人路，並以粗言向司機大罵「唔使砵呀！乜X嘢呀！」，司機即反擊「妳行咗好X耐啦！唔好X玩喇！」，女子即回應「你咪車埋嚟囉」，司機稱「咁咪砵妳，叫妳行返上行人路囉」，她即反駁「咁依家咪上咗囉，點X樣啊！」，司機指「咁咪砵妳囉，所以咪！」，她再度反擊「咁你開唔X開依家！」，司機再回應「妳行行人路咪唔使咁囉！」，女方憤然指「關你X事！」，司機亦回應「傻X！」，長裙女最終回應「你咪車埋嚟囉！」，最終司機開車離去，影片結束。
最高可被罰款2000元
網民睇片後撐司機之餘，亦留言抽水指「圍方事件2.0」、「圍方可以搵佢填補保安空缺」、「係咪圍方保安個女嚟？同叫人躝有乜分別？」、「司機完全沒錯喎」、「自己唔啱重要x人」、「車主都算好人 咁遲先呠」、「惡人先告狀」、「車主語氣已經好友善」。
本月初大圍「圍方」商場一名保安，在停車場入口被一輛電單車響按提示，亦與車手發生罵戰，事件最終導致兩名職員被炒。
依據《道路交通條例》（香港法例第374章）第48條，行人不遵守交通燈號過馬路、攀越或穿過路邊欄杆，以及過馬路時疏忽地危害自身或他人安全，以及駕駛者的不當行為，違例者最高可被罰款2,000元。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
