成功買到門票的歌迷昨日即時預訂澳門酒店房間，演唱會主辦的酒店房間，在演唱會舉行日子房間已售罄。
張敬軒《The Prime Classics》演唱會早前喺英國舉行，軒仔宣布將會於12月15-17及22-25日喺澳門舉行經過重新升級編排至2.0嘅《The Prime Classics》。
一向寵粉嘅軒仔更跟主辦單位「成功爭取」預留過萬張門票供歌迷會會員訂購，噚日（9日）就係官方歌迷會內部訂購張敬軒澳門倫敦人演唱會日子，門票更加喺三個鐘內經官方歌迷會內部購票網站沽清。
確保無突發事情先安心休息
對於今次購票安排，澱粉及羅賓們（軒仔Fans名稱）在各社交平台表示讚好，因為可以在下星期五(17日)門票公開發售之前，確保官方歌迷會入面每一個喜愛張敬軒的會員都成功買到門票，更加唔駛擔心「黃牛黨」炒飛。
除咗向主辦單位落力爭取外，縱然軒仔抱恙，但係佢都非常緊張歌迷買唔買到飛，遙控留意住購票情況，確保沒有任何突發事情，確定過萬張門票售罄，先安心休息。
原文刊登於 Yahoo 娛樂圈
WhatsApp騙案｜私隱署7招防中伏（am730製圖）
