圖片來源:TVB《愛回家之開心速遞》劇照、Unsplash@Jessie Daniella
早前,有網民在速遞運輸平台發現一張有趣訂單,落單者是一位想默默支持創業媽媽的子女,盼能夠借助運輸平台為媽媽找到「生意」,引來網民熱烈討論。
圖片來源:電影《飯戲攻心2》劇照
媽媽創業賣花束
創業難,守業更難,要在市道不景氣下創立自己的生意,的確女需要莫大勇氣和毅力。早前,有網民就在運輸速遞平台上發現一張有趣訂單,落單者為了想鼓勵創業賣花的媽媽,於跑腿平台出價47元聘請他人到媽媽的花店「扮演顧客」。
圖片來源:Unsplash@Jessie Daniella
出錢請人扮顧客 要求做到1效果
落單者在跑腿平台的訂單上表明「想鼓勵創業的媽媽」,希望能夠找到步兵幫忙扮演顧客,到媽媽的店舖「用少少時間揀選花束,最後買走圖片呢束花」。又指步兵買花後「會即時payme你350花束錢」,要求只得一個,期望幫忙的步兵「不要令她(媽媽)發覺你不是真顧客」。
圖片來源:TVB《愛回家之開心速遞》劇照
網民爆笑討論:要搵視帝補習
用心良苦的訂單引來網民熱烈討論,轉發的網民笑稱接此單講求演技,「要搵視帝補習下」、「周星馳式的演技得唔得」。亦有網民指落單者出手不夠闊綽,「47蚊俾啲咩演技」、「47蚊俾個黎耀祥你吖?」、「有冇飯盒?」、「做演員都要演出費喎」。不過,大批網民就謹遵「提子」教誨,時刻提防騙子,「可唔可以俾咗錢我先買?我買咗你唔俾錢我係咪可以直接打999」、「係都過左數先,仲要加埋演技費,請老臨都要俾錢架」。







