地鐵座位空間男女差網民：男人對腳唔可以合埋啲坐？

大家有無試過搭地鐵時，遇到旁邊嘅乘客擘到個髀大一大，或者翹到對腳高一高，令你坐得好唔舒服？

日本有網民拍低咗呢張相，明顯睇得出因為「擘髀坐」而造成嘅「座位空間男女差」，照片引發網民熱議，甚至連唔少男網民話「想劈開佢哋嗰條過晒界嘅腿」，不過好多人都只會喺心入面鬧，而無勇氣開口叫佢哋坐好啲。