【韓國渣男】與2個同名女生拍拖同款對戒送2次

日本經典純愛電影《情書》中，男女主角的同名同姓，引發出一個浪漫淒美故事，但現實往往比較殘酷，最近有名韓國男子就被揭發喺3年內，同時跟兩名同名女性拍拖！

最近播出嘅韓國KBS綜藝《戀愛的參見2》中，一對已交往8年嘅情侶，男方喺其中3年腳踏兩條船，當事人話最令人激氣同毛骨悚然和嘅係，前男友嘅通訊app簡介總係寫住「XX(女友名字)，我愛你」。當事人話一開始唔覺得有咩問題，直到後來發現男友小三個名，竟然同佢個名一模一樣！

當事人話睇到呢個女仔戴住嘅戒指，同佢男友送俾佢嘅情侶戒一模一樣！當時佢又嬲又傷心，馬上分手。主持人紛紛大罵「渣男」，並表示咁純熟嘅手法，應該係一腳搭兩船慣犯！