(爆廢公社@FB)
相信大家都聽過唔少民間偏方，呢位台灣女網友最近成日咳，獲房東大哥提供祖傳祕方：一隻生雞蛋同一罐沙士，聲稱只要撈埋嚟飲，就會即刻好番，相當之勁。
女網友話之前只聽過沙士加鹽，第一次聽話加生雞蛋，但見房東咁熱心，就抱住實驗精神服用呢個「止咳秘方」，話驚生雞蛋太腥，所以沙士加多咗，好在真係遮到腥味。
女網友喺網上分享經歷後，好多網友都話聽過呢個秘方，亦有好多熱心網友提供各種止咳獨門偏方：「麻油蛋，我媽都這樣給我吃」、「冰糖加水梨，用電鍋蒸」、「聽過整顆橘子連皮用炭火慢烤，治咳嗽很有用」。
不過有營養師就話，早期沙士成分含黃樟素(Sassafras)，有利尿解熱效用，但最近沙士已無此成分，所以唔會舒緩到感冒，加埋生雞蛋未經殺菌易有寄生蟲同細菌，蛋殼洗唔乾淨仲會有沙門氏菌，容易造成腹瀉，甚至血便，大家千祈咪亂試！
(爆廢公社@FB)