大家覺得乜嘢悔婚理由最離譜？韓國一位女網友，原本準備要同拍拖3年嘅男友結婚，點知就因為唔食豬肉湯飯而被解除婚約！事件喺韓國論壇上引起熱議。
女網友係30歲出頭嘅大邱人，男友就係30歲中嘅釜山人，兩人打算明年3月結婚。女網友話男友本身好偏食，佢就咩都食，唯獨唔鍾意食「釜山名物」豬肉湯飯，認為好腥，所以雖然男朋友好鍾意食，但拍拖期間都尊重佢飲食習慣而一次都無食。
點知有次男友爸爸來首爾指名要食豬肉湯飯，女網友唯有跟住點豬肉湯飯。等餐期間男友爸爸一直宣揚豬肉湯飯係釜山靈魂食物，想嫁到釜山一定要食，仲要煮俾老公食。女網友忍住想嘔勉強食兩三啖，結果後來先送男友爸爸到男友家時，男友爸爸話：「如果你唔食豬肉湯飯，我唔會俾你哋結婚」、「明天開始練習食啦」男友仲要加打口：「係囉，豬肉湯飯唔好食咩？」
之後女網友以為男友會再車佢返家，點知佢叫自己搭的士，仲因為頭先嘅事發脾氣，問點解要喺飯局上對豬肉湯飯話題愛理不理，飯又要食唔食，之後仲話：「我哋都係唔好結婚喇，再見。」然後就轉頭上樓，至今都無再聯絡女友。
網民回應基本上都係：「強求女方吃唔鍾意嘅食物，係嗰個家庭嘅問題。」、「結婚前睇清呢個男人真面目都好，婚後先爆發仰麻煩！」