南極洲發現106年前生果蛋糕 外表睇落可食用

南極洲一個偏遠小屋中，最近發現一塊106年前嘅生果蛋糕，外面用紙包裝，放喺錫盒中，仲保存完好！

據悉，蛋糕係由英國歷史悠久嘅餅乾製造商Huntley & Palmers製作，百多年前被船長Robert Falcon Scott嘅遠征探險隊帶到南極洲。

蛋糕喺小屋架子上被發現，「北方團隊」於1911年時曾喺呢間小屋待過，研究員認為蛋糕就係嗰年留喺屋入面。

新西蘭慈善機構，南極遺產信託基金會研究人員甚至話，塊蛋糕睇落聞落，都似乎可以食用。經理Lizzie Meek表示，呢塊蛋糕係「南極條件下理想嘅高熱量食物」，仲話喺最後一批被嚴重腐蝕嘅罐頭中，發現這塊保存完好嘅蛋糕令人驚訝。