戀愛調酒：士多啤梨威士忌

最近日本網友潮興調配一種「戀愛調酒」，就係士多啤梨浸入威士忌，然後加入氣泡水，網友紛紛表示味道驚豔，好有戀愛Feel。

「戀愛調酒」製作方式非常簡單，首先準備新鮮士多啤梨，洗淨後用廚房紙吸乾水，然後將士多啤梨放入玻璃罐，加滿威士忌，再加20g砂糖。

然後將玻璃罐放入雪櫃冷藏，5日後士多啤梨會褪色成淡粉紅色，威士忌就會變成充滿戀愛味道嘅櫻花紅。

將酒倒入玻璃杯，再加上少少氣泡水同放粒士多啤梨，令舌尖談戀愛嘅士多啤梨威士忌就大功告成！