港人租住發哥舊單位 每個月收多封粉絲信 網民呼籲搵1女明星幫手轉交
在社交平台未算發達的時候，很多fans都會寄信給喜歡的明星。雖然現今寫信寄信的人已買少見少，但仍然有人憑藉一封封手寫信表達自己。日前一位港人就在社交平台發文，指因為租住了發哥周潤發的舊單位，因而經常收到發哥粉絲寄來的信件，為了不讓粉絲們失望，他只好在網上出Po，希望可以將信件轉交到發哥手上！
圖片來源：電影《無雙》劇照
租住發哥舊單位
這位港人在社交平台發文，指自己「租咗周潤發以前曾經購買嘅單位」，雖然未知發哥這個舊單位的地址為何會流出，但就令他「基本上每一個月都會收到幾封fans信」，明顯仍然有發哥粉絲想用這個方法向他表達心意。
每個月收多封粉絲信
縱使粉絲們十分有心，奈何發哥早已搬走，令到現時租住的發文者感到苦惱，「我又唔想就咁掉落垃圾桶」、「又唔想調返落去郵筒，因為佢轉個頭又寄返返嚟」，因此只好嘗試在網上發文，試試「Threads可唔可以推到去周潤發啲朋友睇到？」，更大膽地要求「佢可唔可以親自上嚟攞？」
圖片來源：電影《無雙》劇照
網民呼籲1位明星幫手轉達
帖文引起網民關注，有網民就指可以用最直接的方式處理，例如「寫上『查無此人』之後掉返落去郵筒，如果佢有回郵嘅話，就會俾返嗰個人」，但發文者就堅持「我內心係覺得都想幫佢哋交啲信去到佢手上」、「有啲信係唔喺香港寄嚟，真係超多海外fans」。亦因如此，有網民紛紛主動獻計，直指可以試下「tag佢（發哥）啲跑友」、「我諗比較活躍係social media嘅應該有唐詩詠，試下」，更有人於評論區直接tag了唐詩詠，「請問詩詠可會通知到發哥？幫幫樓主refer 啲信？」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
