「屈仔」實體化！ 屈臣氏推「屈仔」周邊產品 有真．貼紙

早排日日上屈臣氏網店買口罩搓手液，真係見「屈仔」多過見男/女朋友，屈臣氏繼早前推出官方WhatsApp Sticker，更會由今日起推出4款獨家屈仔周邊商品，包括四圍走屈仔紙袋、窩心提醒便利貼、時刻印記筆記簿同表情萌爆小貼紙，商品率先喺屈臣氏電子商店及Tap & Shop點購站公開發售，並由4月1日起喺指定屈臣氏分店買得到。粉絲購買任何產品加$5即可換走四圍走屈仔紙袋，易賞錢會員更可以優惠價換齊全套周邊商品。

另外，今年暫時睇唔到奧運，但小編聽聞，屈仔嚟緊想同大家喺屋企玩 #WatsBagChallenge撐住你，到時屈仔會聯同以「體育造就青年」為宗旨的慈善合作夥伴「凝動香港體育基金」拍住做運動，鼓勵大家化身運動員，喺屋企保持運動習慣一齊抗疫，想玩就要留意屈臣氏Facebook專頁。