維他檸檬茶迎接世界盃 限量版包裝隆重登場

萬眾期待四年一度的足球盛事世界盃即將於卡塔爾開鑼，今屆賽事勢必精彩絕倫！維他檸檬茶VLT已準備好陪住各位至澀球迷齊齊睇波，由即日起隆重推出全套8款限量版包裝VLT陪住球迷邊飲、邊睇波，全方位慶祝緊張刺激嘅足球盛事！

足球術語限量版包裝維他檸檬茶

VLT全套8款限量版包裝用上既「地道」又「抵死」的足球術語，配合極有動感的插畫，chill住飲檸檬茶，同時學睇波，大家瞬間升呢化身成為至澀球迷投入每場精彩比賽，一舉兩得！緊接限量包裝，VLT為今屆盛事注滿動力，精心推出多個驚喜活動，號召球迷成為名符其實嘅世界盃忠粉，齊齊撐、齊齊玩！將世界盃狂熱氣氛推至高峰。