2025-08-22 18:00:00

網上熱話｜50歲婦人兩度被裁員苦呻日子好難過網民反應兩極！

香港經濟持續低迷，加上科技當道和大批外勞輸入，不少人都逐漸被社會淘汰又或是失業。一位50歲的婦人早前在社交平台發文，指自己近年經歷3次轉行和被裁員，苦呻「日子好難過」，沒料到網民對此的反應兩極，有人力撐亦有人鬧爆。

50歲婦人兩度被裁員

早前，一位自稱「就5張嘅女人仔」在社交平台發文，劈頭表示自己近年的工作路不太順暢，坦言過去兩年多經歷裁員潮後，為了搵餐晏仔已三度轉職。她表示，自2024年初被原公司裁員後，「抖左幾個月，跟住上年8月搵到第2份工，但份工一個人做1.5個人野，個上司chur 爆左我，我頂唔順做左1個月就走左」，現時「跟住搵左大半年先搵到而家呢份， 6月初返工，就過3個月試用期」，但卻點做都唔開心。

圖片來源：Facebook@裁員炒人消息關注組 🔥🍳🦑 (香港公司裁員｜結業拖糧｜你老闆出事消息｜無理解僱｜人工｜求職｜職場奇聞｜打工仔圍爐，都歡迎入來貼

苦呻日子好難過

她分享現時的工作「做半製成品， d model 型號成千上萬，好煩」、「又坐正我老細隔離，平時好似喺孤島咁，啲同事唔係好敢同我講野」，苦呻「日子好似好難過」，想辭職又礙於「返9點半放6點，唔使ot，所以喺好多人眼中已經係一份唔錯嘅工」，令她不禁無奈呻「我就5張嘅女人仔，而家咁嘅時勢，出去都好難搵工，仲要好過呢份都好難，唉」。

網民反應兩極

眼見發文者的景況，不少網民都留言直抒己見，有網民力撐表示「坐監咁，好慘，如果老細坐你後面，更加慘」、「Ok啦，真心唔算好差，外面實在太差」、「咁樣好辛苦，不如試吓從講嘢出發先，熟咗嘅話冇咁辛苦」。惟亦有網民認為發文者要求多多，「學識打字同分段先」、「當是賺生活費別理咁多啦」、「都就退休啦！仲諗咁多做乜？」、「你五張都唔介意請你，小小野都做唔黎，你都係去做保安」。