網上熱話｜酒樓為免爭拗推出搭枱奇招 獨霸大枱要付出代價 食客不怒反讚：皆大歡喜！
每逢周末都總會有一家大細想出門共享Family Day，人數眾多的話大多都會選擇飲茶食下一盅兩件，但若然遇上熱門時段的話，要等位飲茶的確不是易事，有時更難免會被迫與其他食客搭枱。近日，有食客在到訪新蒲崗一間酒樓時，就發現這間酒樓為了避免因搭枱而生的爭拗，因而特別推出奇招應對，沒料到大批食客和網民都極為受落！
圖片來源：TVB《愛·回家之開心速遞》劇照
酒樓為免爭拗推出搭枱奇招
在繁忙時間去酒樓或茶餐廳用膳的話，難免會被安排與其他食客搭枱，只因食肆座位有限，要滿足大量食客的話只好出此下策。惟部分人士未必鍾意與陌生人同枱食飯，因而偶爾都會出現爭執和衝突。近日，一位食客到位於新蒲崗的明星酒樓飲早茶時，就發現他們為免爭拗推出搭枱奇招，令食客不禁表示「呢間明星酒樓真怪」。
圖片來源：Facebook@香港酒樓關注組
獨霸大枱要付出代價
發文者表示，酒樓將座位分為「正枱」和「ABCD枱」分別區分做「搭枱」與「不搭枱」，而兩者的茶錢會有輕微落差。從她上傳的點心紙上可以看到，星期一至五，早市及下午茶每位的茶錢為$11，如果選擇搭枱則可減少$2，只需$9。而在星期六日及公眾假期，早茶及下午茶的茶錢也同樣分為搭枱和不搭枱，價差依舊存在，午市則統一收費。意指如果食客想唔搭枱的話，每位的茶錢就要俾多兩蚊。
食客網民盛讚：最緊要有得揀！
雖然酒樓這個做法無疑會提高食客的茶錢收費，但大批網民和食客就不怒反讚，直指「幾好既諗法」、「我絕對願意比多2蚊選擇唔搭枱」、「幾好呀，起碼有得俾你揀搭唔搭枱，俾多2蚊，又唔係貴」、「幾好，肺炎之後有啲人習慣咗唔搭枱，我見過幾次為咗搭枱問題起爭執」，更揚言「最緊要有得揀」、「有得揀人人可以做老板」。
立即更新/下載AM730手機APP 體驗升級功能
