網上熱話｜港女搭紅van無現金 司機要求代買1物當車費 網民：好有急才
電子支付近年十分普遍，反而隨街叫人攞現金出嚟可能仲難。早前，有網民在社交平台分享搭小巴經歷，由於紅van小巴車費只收現金，有港女因無現金而未能付款，幸得司機主動提出代買1物當車費，才得以上車，獲網民大讚小巴司機「好有急才」。
圖片來源：TVB《愛回家之開心速遞》劇照
港女搭紅Van無現金
雖然電子支付已經十分普遍，但部分地方仍然只收現金，對於無太多現金跟身的人來說，有時的確會幾徬徨。早前，有網民在社交平台分享近日搭小巴的經歷，指小巴車費只收現金，但有一位港女上車時因為無現金，原本以為要落車撳錢，惟司機卻提出另一個方法代替。
圖片來源：Threads
司機提出代買1物當車費
小巴司機得知港女無現金後，在港女準備落車撳錢之際，主動提出「唉你陣間7仔幫我買包煙，我俾返錢你，就咁啦」，並讓她先上車搭去目的地。車程約1小時後，由西貢到達銅鑼灣，司機再表明「嗱你幫我買包煙啦」，港女反問「哦，買邊隻？」，司機回應「紅萬呀，知唔知萬寶路，紅色」。據發文者憶述，港女落車後去了便利店排隊，只為幫小巴司機買煙。
圖片來源：電影《那夜凌晨，我坐上了旺角開往大埔的紅Van》劇照
圖片來源：TVB《七公主》劇照
網民大讚：成件事好香港
目擊全個過程的發文者大讚「成個交易好smooth好彈性」、「香港小巴佬急才小癲」。事件亦引起網民討論，有網民回應「大家講個信字」、「個客都有機會走嘅，小巴佬算係咁」，更感慨地表示「成單嘢好香港」。
ADVERTISEMENT
