港女為慳錢100蚊食足3餐 飽肚兼豐富網民卻轟：人生仲有咩意義？
香港地樣樣嘢都貴，要慳錢都真係唔係咁易，除非有很大的決心和毅力，以及忍到唔好周圍花費。日前，一位港女就因為想慳錢而僅用100蚊解決一日三餐，並上傳到社交平台與網民分享。雖然她的三餐飽肚兼豐富，但網民的睇法就十分兩極，未知你又點睇呢？
圖片來源：TBS《逃避雖可恥但有用》劇照
港女為慳錢100蚊食足3餐
這位港女在社交平台上發文，疑似想慳錢的她挑戰僅用100蚊解決一日三餐，又將每餐的食物照片、單據及所屬餐廳上傳到網上，直言「100元吃到一天三份餐」，並配上驚訝的表情，引來大批網民熱烈討論。
圖片來源：Facebook@香港茶餐廳及美食關注組
三餐飽肚兼豐富
從她上傳的照片中，可見她的三餐均飽肚兼豐富，當日早午晚三餐分別為「麥當勞」奶醬意式飽連細薯條配凍咖啡、「韓樂」的三文治加飲品以及「譚仔三哥」的鮮檸清湯米線配飲品，全日開支共$97。
網民睇法兩極
雖然發文者自己就對這些餐點及價錢十分滿意，但一眾網民就有不同反應。有網民表示「真係好抵」、「慳得嚟又夠飽」，惟大部分人則不認同她的做法，揚言「第一份唔夠飽、第二份唔夠飽、第三份唔夠飽」、「平平地三文治早餐+午晚2餐2餸飯，100有找，仲豐富過你咁食」，更有人藉此大呻「如果要我食呢啲，我會問自己人生有乜意義」。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
