網上熱話｜網民口誤實錄 想帶阿媽去XXXX竟講錯做人道毁滅：好失禮
有時口快快講錯嘢十分正常，但若然兩者意思差太遠又或者完全相反的話，確實好失禮，更會鬧出不少笑話。早前，一位孝順仔在社交平台上發文，指本身想問同事有關XXXX的資訊，豈料竟講錯做要帶阿媽去「人道毁滅」，爆笑口誤引來網民分享更多搞笑實錄。
圖片來源：TVB《愛回家之開心速遞》劇照
孝順仔欲帶阿媽去XXXX 慘成人道毁滅
早前，一位港男在社文平台發文，劈頭直指自己與同事對話，口快快問對方「你上次帶你阿媽去人道毁滅幾多錢？」當時「空氣靜止咗5秒」，幸好同事與他有足夠默契，即時反問「你想問物理治療？」方知事主原來「講錯」，仲要錯到離晒譜！
圖片來源：Threads
網民分享大量口誤實錄 許留山變楚留香
物理治療慘變人道毁滅一事引來大批網民留言，紛紛分享自己的口誤經歷。有網民直言，試過問人「幾時人頭落地」，實質想講「出人頭地」，想要揀佛手柑香水，錯講成「唔該想要合掌瓜」、「我媽：『 宜家啲楚留香執晒喇？』，我： 『你係咪講緊許留山？』」，更有人因口誤將喉糖變寵物狗狗，「琴日聽到有人話喉嚨痛要食史立莎(其實佢應該想講使立消)」。
講錯林家謙歌名 白事變紅事
除了日常生活的口誤，有人就分享曾講錯唱作歌手林家謙的歌名，令到「白事變紅事」，「諗起…有日講起《破地獄》，同事想話首主題曲《普渡眾生》好聽…但佢講咗《普世歡騰》…」，由道教的「輪迴塵間的人」變基督教的「普世歡騰救主降臨」，難怪一眾網民都表示「笑到收唔到聲」、「幻想林家謙嗰把喃嘸聲唱普世歡騰」。
ADVERTISEMENT
