
網上熱話|老細要求每日必須化妝返工 港女直斥無理:化畀邊個睇?
打工仔每日要早起返工的確十分痛苦,特別是夜晚唔願瞓報復式捱夜後,鬧鐘響的時候總會懷疑人生。相信不少人都會將出門前的準備時間縮到最短,瞓得多1分鐘係1分鐘,惟日前就有港女發文苦呻,指公司老闆竟然要求她需要每日化妝返工,引起網民熱議。

圖片來源:TVING《由美的細胞小將》劇照
老細要求每日必須化妝返工
早前,一位港女以「老細逼我日日返工都要化妝」為題發文苦呻,她先表明自己的工作「唔需要見客」及「日日9:00返到公司」,因此大多都是素顏、簡簡單單返工,惟有一日「老細問我做咩唔化妝返工」,更命令她「聽日一定要化返妝」。

圖片來源:Dcard討論區
港女直斥無理
發文者對此感到無言兼無理,直指「要化埋妝嘅話咪要七點起身」、「我份糧唔包化妝」,加上她的工作內容無須見客,「又唔使見客,又冇客上office」,令她不禁反問究竟老闆想她「化俾(畀)邊個睇????」

圖片來源:TVB《愛·回家之開心速遞》劇照
網民教1句回應KO
同為打工仔的網民對此十分關注,紛紛留言分享己見,兼教發文者如何應對。有網民表示「有d老細都好中意管人外表」、「以前有份工比老細話做咩成日著黑白灰既衫,穿colorful啲,d頭髮有白色髮又少頭髮,好心令自己睇落多d頭髮等等」、「點解女性返工成本高啲要浪費時間金錢喺化妝」,亦有網民教路指可以直接反問老闆「份糧包唔包買化妝品?」、「份合約有冇寫要化妝?」