劍擊世錦賽｜張家朗發文盼好好休息 尋找解決辦法
劍擊生涯獨欠世界冠軍銜頭便完成「大滿貫」偉業的港隊男花「劍神」張家朗，早前在格魯格亞舉行的劍擊世界錦標賽首圈意外出局，錄得生涯最差世錦賽戰績。張家朗日前在fb發長文，坦言身心俱疲下表現欠佳，且發現很多問題需要解決，希望好好休息和思考去尋找方面。
世界排名跌至13名
兩屆奧運冠軍張家朗踏入2025年明顯狀態下滑，上周出戰世錦賽，首圈末段落後下被罰紅牌遭罰分吞敗，64強止步，世界排名由第一位急跌至第13名。張家朗就在個人社交平台發文吐心聲：
「漫長嘅賽季終於結束，由巴黎奧運之後一直馬不停蹄咁練習同比賽，好少去真正比自己休息下、調整下。畢竟由爭取奧運資格到準備奧運比賽嘅嗰段時間，係非常激烈同大壓力，由今個賽季開始到中段狀態一直都麻麻，只能夠同自己講可以嘅，頂得住捱埋佢先再算。」
「成績上面還算可以接受，當我認為自己可以嘅時候，原來只係自己冇察覺，到最後兩個錦標賽，事情就開始發生，比賽完全發揮唔到自己應有嘅表現，都係我錦標賽成績最差嘅一次，當中有好多唔同方面嘅問題需要解決，需要好好去學習更多去了解更多自己，希望可以係這段假期入面，可以靜下來好好咁休息下思考下，去揾到解決嘅辦法，去決定之後嘅計劃，同時要好好咁照顧自己嘅身心靈，重整好自己。」
原文刊登於 Yahoo 體育
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
