湯洛雯(靚湯)最近與去年離婚的劉愷威傳出緋聞，據知是林夏薇充當媒人，撮合他們。日前她與馮盈盈到電視城出席myTV SUPER 18台開台滿月慶祝儀式。提到與劉愷威的緋聞，她表示無奈，又謂緋聞太多嚇怕追求者，指事件太過荒謬。
報道指劉愷威與湯洛雯撻著，全因為林夏薇拉紅線。
靚湯稱還有個多星期才開拍新劇《失憶24小時》，問到會否趁開工前與追求者約會，她大呻擔心太多緋聞嚇怕追求者：「冇呀！等你哋介紹啦！要寫我單身先得呀！我同劉愷威冇聯絡，成件事太荒謬！(羅天宇有冇祝福你？)佢私下冇祝福我，唔係真又點會祝福我呢？」問到會否考慮與羅天宇復合，她說︰「冇可能啦，我哋已變成好朋友，冇咗愛情嗰種感覺，反而似係親人感覺。」
同場的盈盈最近愛上健身，以及在社交網站大騷事業線，她笑說︰「最重要係操出腹肌線條，我同男友寶寶近日一齊做Gym，佢操到有少少腹肌同老鼠仔，我哋經常擺甫士扮model影相。」她又開心透露最近終於請了「鐘點姐姐」幫手，每逢周末會到屋企清潔，所以她一定要擇日子煮飯︰「如果星期一煮飯，之後幾日就要食外賣，要等到星期六、日先有人洗，最近都發現屋企有蟻，要努力滅蟲。」