岑杏賢於11月29日下嫁圈外男友張嘉俊(Kelvin),好姊妹朱千雪 、湯洛雯 、張嘉兒 、蔣家旻到場見證。岑杏賢表示Kelvin是圈外人的關係,所以想婚禮保持低調。由於疫情關係,一對新人只邀請了40人見證他們的婚禮。
問到婚禮最難忘的事,岑杏賢說︰「最難忘係爸爸放落我嘅頭紗帶我出去行禮,我都好感動,我亦見到班姊妹忍唔住流淚嘅時候,我都真係忍唔住流眼淚,爸爸亦都好感觸,依依不捨。始終我都係獨女,所以喺爸爸媽媽眼中都係掌上明珠。爸爸媽媽、嫲嫲都好開心當日可以見證我呢個婚禮。」她稱當日從朱千雪手上接過花球,便成為人妻,於是她把花球拋給蔣家旻︰「希望我啲姊妹都得到幸福。」並透露花球由湯洛雯親手製造,意義重大。
岑杏賢婚後便立即復工,她接受無綫訪問時難掩新婚喜悅,多次表示婚禮十分感動,又透露Kelvin接新娘時,需要湯洛雯提點講愛的宣言,又指父母十分滿意這位女婿。她透露與Kelvin拍拖的時候,已朝住結婚方向發展︰「認識佢嘅時候,大家都知需要結婚,組織家庭,我就係鍾意佢有呢個咁重理念,令我更加分。」