張栢芝在林家謙的第9場《White Summer 》演唱會驚喜登場。
林家謙紅館演唱會《White Summer 》昨晚(30日)舉行第9場，請來久違香港舞台的張栢芝擔任嘉賓，當「隨意盒」打開，栢芝援援升上舞台驚喜現身，全場尖叫歡呼。栢芝以孖辮Look配薄紗裙登場，仙氣十足，與林家謙同台，完全看不出已經45歲。兩人拖手合唱《任何天氣》後，林家謙趁機自肥搲簽名，在合唱《留給最愛的說話》時，更獻式林仔的深情獨白，非常鬼馬。栢芝雖然頻呼好緊張，但表演獲不少網民讚好。
趁機自肥 公開搲簽名
兩人先是合唱《任何天氣》，繼而林家謙緊張笑道，「好癲呢件事，我醒未？（自己打自己一下）好開心，真係唔知點講，從何說起……你好耐冇出嚟見大家，包括我都非常興奮……」栢芝自言：「我好耐冇唱《任何天氣》，自己係新人18歲喺紅館嗰陣都唱過，我好緊張……」家謙過往受訪自爆曾單戀栢芝，難得與兒時女神同台，當然把握「自肥」機會，請工作人員拿栢芝的CD上台，「你係我第一個買唱片嘅歌手，嗰隻碟叫《Destination》，之後《不一樣的我》……嘛，你可唔可以同我簽個名呀？」現場即起哄家謙再次自肥集郵。家謙再續道，「《不一樣的我》係我當年成日拎嚟做參賽歌曲㗎，嗰陣我重未轉聲，唱你個KEY，霎眼間，我就已經轉咗聲，好神奇呀呢件事。」
栢芝大讚家謙很有才華，就像戴有好乖好純的光環，家謙即表示，「呢個唔係我。」栢芝續稱，當接到電話被邀請做嘉賓時，自覺雖曾推出多張唱片，但很多歌都不為人熟悉，家謙聞言即搶白說：「唔係囉，《一直掛念》，跟住《不一樣的我》，《棉胎》 ，大家都識你好多歌……你講嘅嘢唔成立呀....」栢芝續說：「有一首歌，係我新人時，好堅持要唱，唔係我自己嘅。公司打嚟話有機會喺紅館表演，我就想唱呢首歌，我希望每一分每一都珍惜身邊所有的東西，很多東西都不必然，我們應該要很活在當下和開心，珍惜所有自己愛的人，我選擇呢首歌，亦係很感恩地可以在紅館和大家一起唱，我都好開心嘅。呢首歌叫做《留給最愛的說話》可能很多後生仔唔係好識得，不過可能跟我差不多年紀既可能會識囉 。」家謙笑言，「我後生，我都識喎，所以你講嘅嘢係唔成立囉，我係後生仔，我識 ，所以好多後生仔都識。」
家謙的仲夏夜之夢
兩人合唱《留給最愛的說話》時，獨白部份，家謙突然改對白：「終於我鼓起咗最大嘅勇氣請你做嘉賓，因為我想面對住你講出我心裡面想講咗好耐嘅說話。可惜嗰個落雨嘅晚上，嗰條濕滑嘅公路，嗰個粗心大意嘅司機，令我差啲趕唔到嚟紅館，講一聲：多謝你。」觀眾聽到之後，不斷湧出笑聲，令栢芝更加緊張，直指自己聲都震哂。待栢芝返回後台，與兒時女神合作的家謙，仍回味無窮，有點失神，「仲夏夜之夢，就係呢種，一覺春睡……依家要講咩……呢單嘢要寫落wikipedia唔該。」
「紅館360」吊車突發開IG LIVE
昨晚在「紅館360」吊車上，家謙突然大癲開IG LIVE，同步給未能到場的歌迷一同歡樂，讓網上歌迷非常開心，更笑指他是 「返工玩電話系列！」又大讚咁近鏡果然尬人「皮膚好靚」，「搵你粒林家蒼」，更有網友表示來自英國及加拿大等不同地方，驚喜可以同步看到他紅館演出。
立即更新/下載AM730手機APP 體驗升級功能
