林家謙昨晚(29日)舉行第8 場《White Summer 》紅館演唱會。(娛樂組攝)
林家謙紅館演唱會《White Summer 》昨晚(29日)舉行第8場，請來陳慧琳(Kelly)擔任嘉賓，當Kelly升上舞台與家謙合唱《神奇的糊塗魔藥》時，Kelly的經理人鍾珍在台上興奮站起身。兩人唱畢後擊掌和擁抱，Kelly首先多謝家謙為他作了《鳴謝你而不想說後悔》，家謙笑言經常被指他邀請曾追過的歌星做嘉賓，他對Kelly說，「你係我第一次入紅館睇嘅演唱會，是《飛天舞會演唱會》。」Kelly疑惑反問，「你6歲睇Stephy，聽我啲碟咪胎教嗰時？所以今日如果林爸爸林媽媽喺度要Thank you佢哋，俾啲咁有Taste嘅歌你聽，」家謙自爆6歲只是隨口噏，但當年跟表姐去睇Kelly演唱會就千真萬確：「佢今日都喺度，係你超級fans。」
受Kelly啟發玩「飛天」：紅館360
接著，家謙表示，「我當年聽你個飛天舞會演唱會，紅館360，係你inspire我而家呢個飛天演唱會。」7月剛開完紅館個唱的Kelly就大讚家謙勁，「我開完嗰個《飛天舞會》，覺得自己唔可以再飛天到，因為紅館已經唔俾飛天，你好嘢，你喺紅館都飛到。」向來「轉數快」的家謙就引用《神奇的糊塗魔藥》的歌詞回應，「因為道與理，是與非非，繼續往天飛再去遁地」Kelly接力：「一個傻更更的你。」接著兩人再合唱《最愛演唱會》，當唱到「我沒記住那時我們幾多歲」時，家謙即抵死表示，「6歲！」
立即更新/下載AM730手機APP 體驗升級功能
