問任達華這次是否有忘情戀，他笑言：「會有唔同嘅戀愛，哈哈。」
任達華、劉嘉玲相隔25年，再次合作拍攝有「MK活地亞倫」之稱的葉念琛新戲，前晚二人在拍攝現場互笠高帽，劉嘉玲稱任達華愈來愈有型，任達華就讚番對方愈來愈青春，更指她顏值「回頭率」極高；近日傳出鄧永鏘健康欠佳入院，問到與其友好的劉嘉玲，她就叫傳媒體諒她，不便透露對方的病況。
任達華指，過往與劉嘉玲合作過多齣經典電影，像《車神》、《雞鴨戀》等，二人25年未有合作，任達華就大讚劉嘉玲風采依然，又指劉嘉玲的顏值「回頭率」極高，他說：「我同佢一齊行街，好多十幾廿十歲嘅後生仔，都會不停咁望住劉嘉玲，仲要望到擰晒轉頭。」劉嘉玲就笑著回應，「你都愈嚟愈有型！」
演終極「阿寶」未睇過MK戲
葉念琛的MK愛情觀對白，老土得嚟卻深得MK仔、MK妹歡迎，尤其懶諗角色名字的他，戲中女主角必定名叫「阿寶」，劉嘉玲說這次演終極版「阿寶」，「今次演嗰個阿寶，我聽講係導演嘅初戀情人，估唔到佢背後居然有一個咁浪漫嘅愛情故事，不過之前我未有睇過有關阿寶嘅戲。」問到劉嘉玲與任達華是否有感情戲，她表示：「佢同我戲中個女感情戲比較多。我哋3個嘅關係比較複雜一啲。」談到近日傳出鄧永鏘健康欠佳入院，劉嘉玲說：「對唔住嘞，唔方便講咁多。」
衛詩雅演劉嘉玲個女，與任達華有感情戲。