影帝獎項方面，謝賢憑《殺出個黃昏》首度獲提名影帝，可惜謝霆鋒未能憑《怒火》角逐，未能進行「父子對決」局面。林家棟則憑《智齒》、《手捲煙》獲雙提名，與《濁水漂流》的吳鎮宇、《媽媽的神奇小子》的梁仲恆爭奪影帝，梁仲恆同時入圍最佳新演員獎。
3年前獲頒「終身成就獎」的謝賢，曾稱不會再有獎拎，沒料到如今獲影帝提名︰「我嗰時入行未有金像獎，到有嘅時候，我又減產，以為3年前得到『終身成就獎』，終身？無喇？點知今年有機會有提名，電影就係咁神奇，我要多謝個角色田立秋，多謝蔡鳳(馮寶寶飾)一齊殺出個黃昏。更加要多謝觀眾支持《殺出個黃昏》呢一部咁有心嘅電影！ 」
憑《智齒》、《手捲煙》提名最佳男主角、《殺出個黃昏》與何靜怡聯合提名最佳編劇的家棟，今年可說是大豐收，他說：「今次（提名）當然開心啦，除咗自己有提名，最開心係四哥有提名，當然包括新人鍾雪瑩。最緊要多謝成個團隊，因為參與嘅人都付出好大信任……嚟緊我哋要繼續努力，希望再做好啲，將來有更多好電影出現。」
【立即參加】送Rollink全球最輕薄可摺疊手提行李箱🧳！
