44歲關智斌愈操愈fit，體形愈來愈靚。
全球最大型室內健身比賽HYROX香港站日前於亞博館舉行，吸引不少圈中人參加，44歲關智斌(Kenny)孖30歲英皇師弟楊天宇(Angus)參戰，更打破個人紀錄。Kenny賽前訂下目標，希望在1小時20分鐘內完成賽程，二人為比賽操出爆肌身型，跑到最後階段赤裸上身大騷麒麟臂兼朱古力腹肌。最終二人以1小時18分鐘的佳績衝線，比預期快兩分鐘。完成賽事二人激動擁抱。
Kenny事後在IG分享參賽相片及短片，並寫道：「I am so proud of ourselves﹗由年初我們許下目標，到今天終於完成賽事，而且成績比我們預期中還好，成功突破自己上年的成績。本來希望在1小時20分鐘內完成，現在是1小時18分鐘，真的超額完成！」更大讚Angus表現出色，「雖然第一次參加，不過佢完全沒有放棄過，一直跟着我的節奏，我們的訓練是沒有白費！So proud of you!」
森美徬徨尋接力隊友
另一邊廂，熱愛健身的森美亦有參賽，不過卻發生蝦碌事件。他在IG分享被網民拍下的短片，片中見他在參賽者中刻意企高，徬徨地尋人，他笑言：「通常人哋做完運動，梗係post啲有型clips，我永遠都係只遇到搞笑。做完自己嗰項，搵唔到自己下一棒接力個同伴，仲要俾人拍低咗！同大家分享吓啦。喺個接棒區度都幾迷惘，多謝現場嘅好多朋友大叫『邊個接森美棒啊？』好似湊仔放學搵唔到爸爸咁，我又唔想喺嗰度大嗌肥周你邊度肥周？搵肥周。佢(肥周) 話佢估唔到我咁快，所以冇喺度等我，笑死我」。
立即更新/下載AM730手機APP 體驗升級功能
