葉劉開場前喺看台擺出心心手勢。(葉劉淑儀IG)
新加坡歌手林俊傑(JJ)一連兩日喺啟德體育園主場館舉辦演唱會，新民黨主席、立法會議員葉劉淑儀都有入場欣賞頭場，佢仲喺社交平台放咗條片，顯示佢坐喺觀眾席擺出一個心心手勢，仲話急不及待演唱會開始喎。葉劉之後喺留言區提到，噚晚演唱會JJ就冇唱到佢最鍾意嗰首《雪落下的聲音》。
睇返資料，《雪落下的聲音》係內地電視劇《延禧攻略》嘅片尾曲，雖然原唱係歌手陸虎，但之後JJ喺內地一個電視音樂節目改編並翻唱咗《雪落下的聲音》，呢個版本同樣受樂迷歡迎。
葉劉淑儀(右三)同何敬康(左三)等一眾新民黨同事，去咗啟德體育園睇頭場JJ演唱會。(何敬康FB圖片)
何敬康盼有歌手打破11點完場
至於葉劉噚晚同邊個睇JJ演唱會？佢黨友、立法會議員何敬康今日就喺社交平台「揭曉」，原來何敬康係同老婆、葉劉同新民黨一班同事，齊齊去啟德體育園睇JJ演唱會，佢仲話自己事前專登溫習歌單，所以連啲相對冷門嘅歌佢都識唱咁喎！
何敬康又提到，有都市傳說話啟德體育園主場館夜晚10點半前就要散場，佢就話嗰時正當以為要完場之際，JJ就再次出場唱埋嗰3首，最後差唔多10點55分先完全散場，認為正好證明10點半完場只係傳說。佢仲問，既然噚日就打破咗10點半散場呢個傳說，唔知下次會唔會有歌手打破11點呢？
林峯演唱會2025｜少女歌迷2萬元長鏡疑直接被扭開偷走 只剩機身友人網上緝兩漢
▼啟德體育園體育設施租用價錢▼
立即更新/下載AM730手機APP 體驗升級功能
