何敬康宣布太太懷孕
今日係新民黨15周年黨慶，黨員何敬康趁機宣布另一宗喜事，就係即將成為新手爸爸！佢仲形容係新民黨最新、最年輕嘅小小黨員。
腹中結晶是兒子
何敬康出席黨慶後喺社交網站發文，話今日對佢而言，除了充滿對新民黨嘅熱愛同自豪，仲有一份難以言喻嘅溫柔同感動，原來身邊嘅太太正懷孕。何敬康向《am730》記者分享喜悅，透露腹中結晶係仔仔嚟嘅，照超聲波發現同佢好似樣，預產期喺10月尾。
何敬康話今日特登帶埋太太同仔仔嚟黨慶現場，作最特別、最深刻嘅「胎教」。佢想令仔仔提早學習新民黨精神，就係喺逆境中永不言敗嘅勇氣，喺風雨中守護家園嘅責任，以及對呢片土地無私嘅愛。佢話未來會帶住新一代嘅希望，繼續堅定走落去。
ADVERTISEMENT
【👇請你食南記粉麵金銀蒜湯米線套餐👇】
