Ray Online｜鄧炳強林定國響應全民運動日　玩足毽壁球稱「健康係做好每項工作嘅基礎」

由尋日起一連兩日都係「全民運動日」，除咗特首李家超之外，有唔同嘅官員依兩日都陸續分享自己做咗咩運動！其中保安局局長鄧炳強喺Facebook提到，自己行程相當充實，朝早喺特首帶領下，同一眾官員到屯門出席首場五年規劃及施政報告嘅地區諮詢會，聽取市民對政府政策嘅寶貴意見；下午就為「新界區傑出學生選舉」擔任評審。而適逢今日係「全民運動日」，佢仲特別喺擔任評審前，爭取時間去青衣體育館，同市民一齊玩足毽、匹克球、地板冰壺同射擊，出一身汗，成個人精神氣爽！

佢話「再忙都要動起來」，健康係做好每項工作嘅基礎。平衡工作同健康，先有最好狀態，繼續服務市民，為香港努力！