江玉歡建議港府參考新加坡嘅方式發表《施政報告》，「唔係剩係影住特首個頭。」(資料圖片／周令知攝)
新一份《施政報告》同香港首份五年規劃，下個月16號就會發表。適逢新加坡日前發表國慶群眾大會(National Day Rally)演說，喺議事堂聽過4年《施政報告》宣讀嘅前議員江玉歡受到啟發，建議行政長官可以參考新加坡嘅做法，放棄只影住個頭、跟稿照讀嘅方式，而係以「有聲有畫」模式發表報告，增加下收視喎！
相信「有聲有畫」介紹助加強收視
江玉歡喺社交平台話，自己每年都會睇新加坡國慶群眾大會嘅演說，形容當地總理近年都花盡心思，政策內容同表達方式都具備新意，又提到雖然要用3種語言演說，但時間掌控得非常好，亦用咗唔少畫面同插圖幫手解說。
行政長官下個月16號將會到立法會，發表香港首份五年規劃同新一份《施政報告》，江玉歡就建議團隊可以搞啲新意，與其跟稿照讀，不如整返個「有聲有畫」嘅真正重點介紹，「而唔係剩係影住行政長官個頭嘅直播」，相信善用立法會大會議室嘅器材搞搞新意思，能夠加強《施政報告》收視。
ADVERTISEMENT
【👇送美心全新麻辣牛肉月餅及XO醬豬肉月餅👇】
